BTRİB yeni tikilən binaları rabitə şəbəkəsi ilə təmin edir

Bakı Telefon Rabitəsi İstehsalat Birliyi yeni tikilən binaların sakinlərinin rabitə şəbəkəsinə olan tələbatını təmin etmək məqsədilə yeni elektron ATS-lər quraşdırıb.

Nizami Telefon Qovşağının rəisi Mirbaba Babayevin “İCTnews” elektron xəbər xidmətinə verdiyi məlumata görə, ötən ilin sonunda 374/375/376 saylı ATS-in xidmət ərazisində Babək-94 ünvanında yeni inşa olunan binanın sakinlərini  telefon rabitəsi ilə təmin etmək üçün tutumu 860 nömrə, ADSL port tutumu 192 port olmaqla yeni müasir tipli NGN ATS-i əhalinin istifadəsinə verilib.

“Bundan əlavə, ATS-371/372/373-ün xidmət ərazisində Sadıqcan-İ.Zülfüqarov küçələrinin kəsişməsində  yeni tikilən binanın sakinləri üçün tutumu 512 nömrə olan yeni ATS quraşdırılaraq istifadəyə verilib” -  Babayev qeyd edib.
 


CAHANGİR

---