Ölkəmiz Avropa Qrid İnfrastrukturu Forumunda təmsil olunur

Almaniyanın Münhen  şəhərində Avropa Qrid İnfrastrukturu Forumu (EGI Community Forum) və II Texniki Konfrans öz işinə başlayıb. 26-30 mart tarixlərdə keçirilən tədbirin əsas məqsədi Avropa Tədqiqat Sahəsində elmi-innovasiya fəaliyyətində EGI-nin əhəmiyyətli xidmətlərini nümayiş etdirməkdir.
 
 Forum çərçivəsində qrid texnologiyaları ilə bağlı elmi-texniki yeniliklər, problemlər və əməkdaşlıq perspektivləri müzakirə olunacaq, EGI-yə üzv olan elmi-tədqiqat qruplarının öz işlərini təkmilləşdirməsi üçün mövcud xidmətlər və texnologiyalar işıqlandırılacaq.
 
 Tədbirdə ölkəmizi AMEA-nın müxbir üzvü, AMEA İTİ-nin direktoru, professor Rasim Əliquliyev təmsil edir.
 
 Qeyd edək ki, AzScienceNet Elm Kompyuter Şəbəkəsinin infrastrukturunda Qrid xidmətlərinin yaradılması və Avropa Qrid infrastrukturuna inteqrasiya olunması baxımından AMEA İTİ-nin bu konfransda iştirakı mühüm əhəmiyyət kəsb edir.

---