"Aztelekom" İstehsalat Birliyində növbəti iməcilik keçirilib

Bu gün "Aztelekom" İstehsalat Birliyinin inzibati binasının (baş idarə) ərazisində iməcilik keçirilib. Bu barədə "İCTnews" elektron xəbər xidmətinə birlikdən məlumat verilib.

İməcilikdə İB-nin idarəetmə aparatının rəhbərliyi və əməkdaşları iştirak edib. İməcilik zamanı əvvəlcədən əkinə hazırlanmış ərazidə 300-ə yaxın müxtəlif növ ting və bəzək ağacı əkilib, sahə alaq otları və zibillərdən təmizlənib və əvvəllər əkilmiş ağaclara aqrotexniki qulluq göstərilib.

Həmçinin İB-nin şöbələrində də təmizlik işləri aparılıb.

CAHANGİR

---