ƏƏSMN 22 “E-imza” alacaq

Əmək və Əhalinin Sosial Müdafiəsi Nazirliyi (ƏƏSMN) qurumun 22 rəhbər və şöbə müdirlərinə "Elektron imza" almaq üçün sənədləri Rabitə və İnformasiya Texnologiyaları Nazirliyinin Məlumat Hesablama Mərkəzinə təqdim edib.

Bu barədə "İCTnews" Elektron xəbər xidmətinə ƏƏSMN-in mətbuat xidmətinin rəhbəri Asəf Əliyev məlumat verib.

Onun sözlərinə görə, bu rəqəm ilkin rəqəmdir və gələcəkdə onun sayı artırılacaq: «Yəqin ki, bu həftə müraciətə baxılıb təsdiq ediləcək. Gələn həftə isə e-imzalar veriləcək. Qarşıdakı aylarda isə nazirliyin digər işçiləri üçün də elektron imza alınmasına görə müraciət ediləcək».


SEYMUR

---