“Mac OS X Lion” əməliyyat sistemində boşluq aşkar edilib

"Mac OS X Lion" əməliyyat sistemində aşkar edilmiş boşluq sayəsində kibercinayətkarlar istifadəçinin şifrələrini asanlıqla ələ keçirə bilərlər. "Mac OS X Lion" əməliyyat sistemində istifadəçi tərəfindən daxil edilən şifrələrin avtomatik olaraq xüsusi faylda şifrələnməmiş formada saxlanıldığı məlum olub.

Bu halda şifrələrdən ibarət fayla administrator hüququna malik istənilən istifadəçi giriş əldə edə bilər. Bundan əlavə, bu boşluqdan kibercinayətkarlar da istifadə edə bilər. "Apple" şirkətinin əməkdaşları bu vəziyyətlə bağlı hələ ki rəsmi açıqlama verməyiblər. Problemin tezliklə aradan qaldırılacağı gözlənir.

EMİL