“AzDataKom” şəbəkəsinin əhatə dairəsi genişlənir

Azərbaycanda fəaliyyət göstərən “AzDataKom” şəbəkəsinin abunəçilərinin sayı 2 min 463 nəfərə  çatıb. Bunlardan 1256 əhali, 1207-si isə təşkilat abunəçiləridirlər.

Hazırda “AzDataKom” şəbəkəsinin genişləndirilməsi, ayrı-ayrı sistemlər üzrə proqram təminatının yaradılması  istiqamətində tədbirlər davam etdirilir.

“AzDataKom” Azərbaycan hökuməti və BMT-nin İnkişaf Proqramının birgə həyata keçirdikləri “Milli E-idarəçilik təşəbbüsü” layihəsi çərçivəsində qurulub. Şəbəkə Azərbaycanın informasiya cəmiyyəti və elektron idarəetməyə inteqrasiyasına təməl rolunu oynayan infrastrukturun aparıcı hissələrindən biridir.

---