“Facebook” şirkəti ziyana məruz qalıb

“Facebook” sosial şəbəkəsi 2012-ci ilin mayında səhmlərinin birjada ilkin yerləşdirilməsindən sonra birinci maliyyə hesabatını dərc edib.

“ICTnews.az” elektron xəbər xidməti “compulenta.ru” saytına istinadən bildirir ki, şirkət 2012-ci ilin ikinci rübündə 1,18 milyard dollar həcmində mədaxil əldə edib. Bu nəticə 2011-ci ilin müvafiq dövrü ilə müqayisədə 33 faiz çoxdur. Belə ki, o zaman mədaxilin həcmi 895 milyon dollar qazanmışdı.

Sosial şəbəkə hesabat dövründə 157 milyon dollar həcmində ziyana məruz qalıb. Müqayisə üçün bildirək ki,  1 il əvvəl “Facebook”un mədaxili 249 milyon dollara bərabər idi. Şirkətin zərərə məruz qalması, birjaya çıxışla bağlı xərclərlə izah olunur.

Hər halda, gəlir tempinin zəifləməsi və gələcək üçün proqnozların olmaması investorları məyus edib. Maliyyə nəticələrinin elan edilməsindən sonra “Facebook”un səhmləri dərhal 11 faiz azalaraq 23,90 dollar təşkil edib.
 
EMİL

---