Masallı telekommunikasiya qovşağının yeni binasının tikintisi tam başa çatıb

Masallı rayonunda telekommunikasiya qovşağının yeni binasının tikintisi tam başa çatıb. “Aztelekom” İB-nin baş direktorunun birinci müavini, texniki direktor Zahir Vəliyev hazırda texniki sahədə bəzi tamamlanma işlərinin aparıldığını bildirdi. Onun sözlərinə görə, burada müasir standartlara uyğun tikilən binada bütün standartlar gözlənilib.

Burada dünyanın ən müasir texnikası olan NGN əsasında qurulan ATS əhaliyə mükəmməl rabitə xidməti ilə yanaşı, bütün multimedia xidmətlərindən istifadə imkanı verəcək.

Qeyd edək ki, Masallı ATS-nin yerləşdiyi binada ötən ilin fevral ayında partlayış baş verdiyindən istifadəyə yararsız vəziyyətdə olub.




RƏVAN

---