75 dollarlıq mikrokompyuter

“Zero Devices” şirkəti “Android 4.0 Ice Cream Sandwich” platforması ilə işləyən “Z902” mikrokompyuterini təqdim edib.

“ICTnews.az” elektron xəbər xidməti “compulenta.ru” saytına istinadən bildirir ki, fləş-brelok ölçüsündə olan qurğu 1 QHs takt tezliyində işləyən “Allwinner A10” prosessoru ilə təchiz edilib və əməli yaddaş tutumu 1 QB təşkil edir. Daxili fləş-modulun tutumu 4 QB təşkil edir; “MicroSD” (32 qiqabaytadək) kartları üçün slot mövcuddur.

Mikrokompyuter “Wi-Fi” (802.11b/g/n) simsiz rabitə adapteri, “HDMI”, “USB” portu və 2 ədəd “MicroUSB” interfeysi ilə təchiz edilib. Mikrokompyuterin ölçüləri 97×28×12 millimetrə bərabərdir.

Hazırda “Zero Devices Z902” mikrokompyuteri 75 dollara təklif edilir. Mikrokompyuter üçün simsiz klaviatura və distant idarəetmə pultları daxil olmaqla, müxtəlif aksessuarlar əlçatandır.

EMİL