Yerli bankın “SMS-banking” xidmətinə qoşulma şərtlərində dəyişiklik edilib

Müqəddəs Ramazan bayramı münasibətilə Kapital Bank "SMS-banking" xidmətinə qoşulma şərtlərində dəyişiklik edib. Əgər indiyə qədər bu xidmətə qoşulmaq üçün 3 manat ödəniş haqqı tələb olunurdusa, artıq buna ehtiyac yoxdur.

İndi bu xidmətə qoşulmaq üçün heç bir ödəniş tələb olunmur. "ICTnews" elektron xəbər xidmətinin məlumatına görə, bu barədə bankın məlumatında deyilir.

Bununla yanaşı, bank ödəniş kartlarının satış qiyməti tariflərini 50 faiz aşağı salıb. Artıq müştərilər Kapital Bankın təklif etdiyi ödəniş kartlarının hər birini cəmi yarı qiymətinə ala bilərlər.

CAHANGİR

---