Rabitə və İnformasiya Texnologiyaları Nazirliyinin elektron xəbər xidməti

“Opera” şirkəti bazarda mövqeyini gücləndirir


"Opera" brauzerinin istehsalçısı olan Norveçin eyni adlı şirkəti rüblük nəticələrini elan edib. Nəticələrə əsasən, "Opera"-nın mobil biznesdə lider olduğu və stolüstü brauzerlər arasında zəif mövqedə qərarlaşdığı məlum olub.

"ICTnews.az" elektron xəbər xidməti "dailycomm.ru" saytına istinadən bildirir ki, 2012-ci il ikinci rübün nəticəsinə əsasən, "Opera Software" şirkətinin mədaxili ötən ilin müvafiq göstəricisi ilə müqayisədə 32 faiz artıb və 52,1 milyon dollar təşkil edib.

Xalis mənfəət 4,1 milyon dollara bərabər olub. Şirkət mobil seqmentdə ötən illə müqayisədə 168 faiz daha çox qazanıb. Hazırda onun veb-brauzerindən 200 milyondan çox insan istifadə edir. "StatCounter" tədqiqat şirkətinin hesablamasına əsasən, "Opera Mini" və "Opera Mobile"-ın smartfonlar üçün brauzer bazarında payı 19 faiz təşkil edir.

EMİL




23/08/12    Çap et