“Apple” şirkəti “iOS 6” platformasını istifadəyə verib

“Apple” şirkəti sentyabrın 19-da “iOS 6” əməliyyat sistemini (ƏS) istifadəyə verib.“ICTnews.az” elektron xəbər xidməti “lenta.ru” saytına istinadən bildirir ki, “iOS 6” platformasını “iPhone 3GS”, “iPhone 4” və “iPhone 4S” smartfonları, dördüncü nəsil “iPod touch” pleyerləri, ikinci və üçüncü nəsil “iPad” planşetlərinin sahibləri quraşdıra bilərlər. Sentyabrın 21-də istifadəyə veriləcək “iPhone 5” smartfonu “iOS 6” platformasını istifadə edir.

“Apple” şirkəti “iOS 6” platformasına 200-dən çox yeni funksiya əlavə edildiyini bildirib. Onlara yeni xəritələr, “Facebook” ilə inteqrasiya, endirim kupon və biletlərinin saxlanılması üçün “Passbook” tətbiqi aiddir.







EMİL

---