Rabitə və İnformasiya Texnologiyaları Nazirliyinin elektron xəbər xidməti

“Apple” şirkəti “Google”-un "xəritə"çilərini özünə cəlb etmək istəyir


“Apple” istifadəçilərin narazılığına və ekspertlərin tənqidinə səbəb olmuş öz yeni kartoqrafiya xidməti üzərində işlərin həyata keçirilməsi üçün əvvəllər “Google”-un xəritələri üzərində işləmiş mütəxəssisləri cəlb etmək qərarı verib.

“ICTnews.az” elektron xəbər xidməti “vesti.ru” saytına istinadən bildirir ki, “Apple” şirkəti “Google”-da xəritələr üzərində işləyən əməkdaşları rekruterlər vasitəsilə özünə cəlb etməyə çalışır. Onların bəziləri təklifi böyük məmnuniyyətlə qəbul edirlər, çünki yeni məhsul üzərində işləmək artıq çoxdan tamamlanmış platformanı təkmilləşdirməkdən daha maraqlıdır.

“Apple” şirkətinin “Google”-un xəritələrindən “iPhone” və “iPad” üçün “iOS” mobil platformasında istifadədən imtina etməsi bir qədər tələsik qərar oldu. “Apple”-ın yeni xəritələri çoxsaylı məlumatlardan istifadə edir, lakin o, hələ ki “Google” və “Nokia”nın müvafiq məhsullarına uduzur.


EMİL





24/09/12    Çap et