Yanan poçt şöbəsinin binası bərpa olunur

Ötən ay qısa qapanma nəticəsində yanğın baş verən Hacıqabul rayonunun Qubalıbalaoğlan kənd poçt şöbəsinin binasında bərpa işləri aparılır. “Azərpoçt” MMC-dən verilən məlumata görə, işlər poçtamtın daxili imkanları hesabına aparılır.

İşlərin daha sürətli aparılması və tezliklə başa çatdırılması üçün “Azərpoçt” MMC-dən Hacıqabul PF-yə yardım ayrılacaq. Hazırda kənd poçt şöbəsi müvəqqəti olaraq başqa bir yerdə fəaliyyətini davam etdirir. Şöbə vətəndaşlara bütün poçt xidmətlərini göstərir.







RƏVAN

---