Rabitə və İnformasiya Texnologiyaları Nazirliyinin elektron xəbər xidməti
Təhsil müəssisələrinin Azərbaycan təhsil şəbəkəsinə qoşulması üçün “3G” şəbəkəsindən istifadə olunacaq
Hazırda təhsil şəbəkəsinə təxminən 1500 məktəb qoşulub. İlin sonunadək daha 200 tədris müəssisəsi "AzEduNet"-ə çıxış əldə edəcək. Bu barədə məlumatı Təhsil Nazirliyinin Təhsilin informasiyalaşdırılması idarəsinin rəisi Samir Məmmədov verib.
Onun sözlərinə görə, layihənin həyata keçirilməsi istiqamətində işlərə başlanılıb. İdarə rəisi bildirib ki, orta təhsil müəssisələrinin Azərbaycan təhsil şəbəkəsinə (AzEduNet) qoşulması üçün "3G" şəbəkəsindən istifadə olunacaq. Bu məqsədlə mobil operatorlarla danışıqlar aparılır və bu layihə bütün respublikanı əhatə edəcək.
Burada əsas məqsədlərdən biri valideynlərin şagirdlər barədə məlumatları əldə etməsinə şərait yaratmaqdır. Qeyd edək ki, əsasən relyefi çətin və əlverişsiz ərazilərdə yerləşən orta məktəblər simsiz şəkildə mərkəzə birləşdirilir.
RƏVAN
05/12/12 Çap et