Rabitə və İnformasiya Texnologiyaları Nazirliyinin elektron xəbər xidməti

ABŞ-ın Hərbi Hava Qüvvələri uçan routeri sınaqdan keçirib


2013-cü ilin yanvarında ABŞ Hərbi Hava Qüvvələri “Net-T” adlı uçan simsiz routeri sınaqdan keçirib. Məlumata əsasən, qurğu təyyarəyə bərkidilir və yerüstü bölmələrlə rabitə yaradılmasını təmin edir.

“ICTnews.az” elektron xəbər xidməti “lenta.ru” saytına istinadən bildirir ki, yerüstü bölmələrin hərbi qulluqçuları öz aralarında əlaqə yaratmaq üçün “ROVER-5" (Remotely Operated Video Enhanced Receiver-5) adlı qəbuledicidən istifadə edirlər. Yığcam qurğu “iPad-mini” planşeti boydadır və video ötürülməsi imkanına malik sensor ekranla təchiz olunub.

Məsələn, bölmənin komandiri “ROVER-5” qəbuledicisi vasitəsilə kəşfiyyatçılardan informasiyanı canlı yayımda ala bilər. Bu halda ənənəvi rabitə vasitələrindən istifadəyə ehtiyac qalmır. Routeri artıq 2014-cü ildə döyüş şəraitində yoxlamaq planlaşdırılır.

Emil Hüseynov




22/01/13    Çap et