Ankarada zabitlər üçün kiberterrorizm sahəsi üzrə kurslar keçiriləcək

Bu il Türkiyənin paytaxtı Ankara şəhərində "Kiberterrorizm sahəsində xəbərdar olma - siyasət və idarəetmə səviyyələri" mövzusunda kurslar təşkil olunacaq.

"ICTnews" elektron xəbər xidmətinin məlumatına görə, bu barədə Azərbaycanın Müdafiə Nazirliyi (MN) informasiya yayıb. Sözügedən tədbir gələn ayın 11-dən 15-nə kimi keçiriləcək. Kurslarda MN-in zabitləri də yaxından iştirak edəcək.

Məlumat üçün bildirək ki, sözügedən kurslar «Sülh naminə tərəfdaşlıq» proqramı çərçivəsində, fərdi tərəfdaşlıq proqramı əsasında reallaşacaq.

SEYMUR

---