“Mail.Ru” şirkətinin "Veb-Agent"i artıq videozəngləri dəstəkləyir

"Mail.Ru" şirkətinin brauzerlər üçün nəzərdə tutulmuş "Veb-Agent" xidmətində videozəng funksiyası istifadəyə verilib.

"ICTnews.az" elektron xəbər xidməti "lenta.ru" saytına istinadən bildirir ki, funksiya hələ ki sınaq rejimində işləyir.

"Veb-Agent" istifadəçiləri bir-biri ilə, həmçinin "Windows" və "OS X" əməliyyat sistemi ilə işləyən kompüterlərə quraşdırılmış "Agent" istifadəçiləri ilə videoəlaqə yarada bilərlər. Mobil aparata zəng etmək hələ ki mümkün deyil. Bundan əvvəl "Veb-Agent" xidmətində yalnız səsli rabitə işləyirdi.

Emil Hüseynov

---