Rabitə və İnformasiya Texnologiyaları Nazirliyinin elektron xəbər xidməti
Beynəlxalq İnformatika Olimpiadasında iştirak edəcək şagirdlər ilk dəfə olaraq Respublika fənn olimpiadalarının nəticələrinə görə seçilib
Beynəlxalq İnformatika Olimpiadasında iştirak edəcək şagirdlər ilk dəfə olaraq, Respublika fənn olimpiadalarının nəticələrinə görə seçilib.
“ICTnews” elektron xəbər xidmətinə bu barədə Təhsil Nazirliyinin Təhsilin İdarəolunmasının Məlumat Sistemləri şöbəsinin (TİMS) müdiri İsmayıl Sadıqov məlumat verib.
TİMS rəhbəri qeyd edib ki, 6-13 iyul 2013-cü il tarixlərində Avstraliyanın Brisbane şəhərində keçiriləcək 25-ci Beynəlxalq İnformatika Olimpiadasında iştirak etmək üçün milli komanda artıq aprelin 1-nə qədər qeydiyyata düşməlidir. Qeyd edək ki, Respublika fənn olimpiadaları martın 18-də yekunlaşıb.
Bu turun nəticələrinə görə, 25-ci Beynəlxalq İnformatika Olimpiadasında ölkəmizin məktəblilər komandasını Azərbaycan Türk Özəl liseylərində təhsil alan 5 şagird təmsil edəcək.
HƏQİQƏT
30/03/13 Çap et