Rabitə və İnformasiya Texnologiyaları Nazirliyinin elektron xəbər xidməti
Azərbaycanda güzəştli şərtlərlə satılan kompüterlərin sayı 21 mini ötüb
"Hər ailə üçün kompüter" şüarı altında həyata keçirilən "Xalq kompüteri" layihəsi çərçivəsində təqdim olunan kompüterlərin satış həcmində sürətli artım müşahidə olunur.
"ICTnews" elektron xəbər xidmətinin məlumatına görə, hazırda güzəştli şərtlərlə satılan kompüterlərin sayı 21250 ədədə çatıb. Layihə çərçivəsində orta məktəb müəllimləri, şagirdləri, ali məktəb tələbələri və təhsil sektorunun işçiləri güzəştli şərtlərlə kompüter almaq imkanı əldə ediblər.
Layihədə təqdim edilən kompüter və noutbuklar lisenziyalı proqram təminatına malikdir və bazar qiymətlərindən 25-40% aşağı qiymətə, 12 ay müddətində faizsiz kreditlə təqdim edilir.
Xatırladaq ki, "Xalq kompüteri" layihəsi Azərbaycan Rabitə və İnformasiya Texnologiyaları Nazirliyi, Təhsil Nazirliyi, "HP" və "Microsoft" şirkətlərinin tərəfdaşlığı ilə həyata keçirilir. Layihənin operatoru "BestComp Group" şirkətidir.
CAHANGİR
02/04/13 Çap et