“iPhone 5S” smartfonunun istehsalına iyulun sonunda başlanılacaq

 
 “PCMag” resursu analitik Piter Maysekə istinadən yazıb ki, “Apple” şirkəti bu ayın sonunda “iPhone 5S” smartfonunun yeni versiyasının istehsalına başlayacaq. Beləliklə, yenilik sentyabrın sonunda və ya oktyabrın əvvəlində təqdim ediləcək.

“ICTnews.az” elektron xəbər xidməti “itc.ua” saytına istinadən bildirir ki, bundan başqa, ötən ay artıq “iPhone” smartfonunun büdcəyə uyğun modelinin istehsalına başlanılıb. Maysekin fikrincə, sözügedən qurğunun qiyməti 300-400 dollar civarında olacaq.

Emil Hüseynov
 
 
 

---