Hindistan “Facebook” və “Twitter”dən müştəri məlumatlarına girişi əldə etmək üçün kömək istəyir

Terrorizmlə mübarizə bəhanəsi ilə Hindistan Daxili İşlər Nazirliyi məhkəmə çağırış vərəqəsi olmadan və ya ordersiz sadə sorğu üzrə şifrələri və şəxsi məlumatları almaq istəyir.Hindistanın Daxili İşlər Nazirliyi Rabitə və İnformasiya Texnologiyaları Nazirliyindən “Twitter” və “Facebook” sosial şəbəkələrinin monitorinqini aparmağı tələb edib. Bu il internet (IT Act) haqqında qanuna qəbul edilmiş düzəlişlərə uyğun olaraq “Facebook” və “Twitter” şəbəkələri hüquq-mühafizə orqanlarına sadə sorğu üzrə müdafiə olunan əlaqə üzrə müştərilərin (şifrələr də daxil olmaqla) informasiyasına giriş verməli idilər. Hind hakimiyyəti yeni terror aktlarından qorxur və hesab edir ki, onların hazırlanması üçün sosial şəbəkələrdən istifadə edilə bilər.
“Twitter” hindlilərin tələblərindən inadla imtina edir. Şirkətdən bildiriblər ki, əməkdaşlıq yalnız order və ya məhkəmə çağırış vərəqəsinin təqdim edildiyi təqdirdə mümkündür. Eyni fikri “Facebook” da qeyd edib. Hind hökuməti həmçinin bildirib ki, “Google” və “Skype” ilə məlumatların verilməsi və monitorinq haqqında danışıqlar gedir. Lakin şirkətlər özləri bunu inkar edirlər. “Blackberry” smartfonlarının istehsalçısı “Research in Motion” də güclü təzyiqə məruz qalıb. Belə ki, şirkətdən poçt xidmətinə və istifadəçilərin danışıqlarına giriş verməsi tələb edilir. RİM bildirib ki, bu, texniki cəhətdən mümkün deyil, çünki şifrələmə üçün açarlar müştəridədir.

net.compulenta.ru