2017-ci ilədək “ARM” çipi ilə işləyən serverlərin bazar payı 5%-i ötəcək

Yaxın vaxtlarda server avadanlığı seqmentində "ARM" prosessorlara əsaslanan həllər üstünlük təşkil edəcək. Qeyd edək ki, əvvəllər bu bazarda "Intel" korporasiyası tam lider idi.
 
"ICTnews" elektron xəbər xidməti "dailycomm.ru" saytına istinadən bildirir ki, "IHS" analitik şirkətinin proqnozuna əsasən, 2017-ci ilədək tədarük edilmiş serverlərin ümumi sayının 5%-i sözügedən sistemlərin payına düşəcək. Qeyd edək ki, 2012-ci ildə yeni kateqoriya bazarda, demək olar ki, mövcud deyildi.
 
Güman edilir ki, 4 il sonra yeni bazarın həcmi 13,1 milyona çatacaq.
 
Emil Hüseynov

---