“Flickr” yenilənib

“Yahoo!” şirkəti “iOS 7” mobil əməliyyat sistemi üçün “Flickr” tətbiqinin yenilənmiş versiyasını çıxarıb. Yeni versiyada telefonun kamerası ilə çəkilmiş fotoşəkillərin “Flickr” serverlərinə avtomatik yüklənməsi funksiyası reallaşdırılıb.

“ICTnews” elektron xəbər xidməti “vesti.ru” saytına istinadən bildirir ki, bu funksiya fotoşəkillərin daha etibarlı şəkildə saxlanmasına imkan yaradacaq.

Xatırladaq ki, “Flickr” bu yaxınlarda istifadəçilərə "bulud" saxlancında ödənişsiz 1 terabayt disk sahəsi verib, ona görə telefonun kamerası ilə çəkilmiş fotoşəkillərlə “Flickr”də onlar üçün ayrılmış disk sahəsini doldurmaq üçün onilliklər lazımdır. Həmçinin tətbiq yüklənmiş fotoşəkillərin avtodüzəlişini həyata keçirir.

Emil Hüseynov
 

---