Rabitə və İnformasiya Texnologiyaları Nazirliyinin elektron xəbər xidməti

Analitiklər mobil modem və routerlərin tədarükünün azalacağını gözləyirlər


"ABI Research" analitik şirkətinin ekspertlərinin hesablamalarına görə,  2013-cü ilin birinci yarısında bazara çıxarılmış mobil genişzolaqlı modem və routerlərin ümumi qiyməti təxminən 2,5 milyard ABŞ dolları təşkil edib.

"ICTnews" elektron xəbər xidməti "dailycomm.ru" saytına istinadən bildirir ki, mütəxəssislərin proqnozlarına görə, cari ildə mobil operator, mağaza və qurğu istehsalçılarına ümumilikdə “3G” və “4G” mobil şəbəkələrində işləyən 92,1 milyon modem və marşrutlayıcı tədarük ediləcək. Bu, 2012-ci ilin göstəricisindən (92.4 milyon) bir qədər aşağıdır.

Daxili modemlərin geniş yayılması planşetlərin satış həcminin artması ilə bağlıdır.
Ekspertlər hesab edirlər ki, “4G” şəbəkələrinin əhatə dairəsi artdıqca daxili mobil modemlərlə təchiz edilmiş qurğuların satış həcmi artacaq.

Emil Hüseynov




08/11/13    Çap et