İnformasiya Texnologiyalarının İnkişafı Dövlət Fondunun vəsaitlərinin ayrılacağı vaxt müəyyən olub

Rabitə və İnformasiya Texnologiyaları Nazirliyinin tabeliyində İnformasiya Texnologiyalarının İnkişafı Dövlət Fonduna  (İTİDF) dövlət büdcəsindən ayrılan 5 milyon manat yaxın zamanda hesaba köçürüləcək.

Ayrılan vəsaitin hesaba köçürülməsi ilə bağlı artıq Maliyyə Nazirliyinə müraciət edilib. Yaxın iki həftə ərzində Fonda dövlət büdcəsindən ayrılan vəsait onun hesabına köçürüləcək və bundan dərhal sonra müsabiqə elan ediləcək.

Qeyd edək ki, İTİDF-nin Müşahidə Şurası təşkilat fəaliyyətini təmin edəcək bütün sənədləri hazırlayaraq  təsdiq edib.

Aynur Vəliyeva
 

---