“Facebook” şəxsi elektron poçt xidmətindən imtina edir

“Facebook” sosial şəbəkəsi üç il bundan əvvəl “facebook.com” domenində istifadəyə verilmiş elektron poçt xidmətini bağlayır. E-mail xidməti tamamilə martın əvvəlində bağlanacaq, hələ ki “@facebook.com” ünvanına gələn bütün məktublar istifadəçinin qeydiyyat zamanı göstərilmiş başqa domendəki şəxsi qutusuna yönləndiriləcək.

“ICTnews” elektron xəbər xidməti “cybersecurity.ru” saytına istinadən bildirir ki, mətbuat xidmətindən bildirilib ki, poçt xidməti bağlanılır, çünki o, istifadəçilər arasında populyarlıq qazanmayıb. Xatırladaq ki, elektron poçt xidməti 2010-cu ilin noyabrında istifadəyə verilib.

Həmçinin qeyd etmək lazımdır ki, poçt xidmətinin bağlanması “WhatsApp” messencerinin satın alınmasından bir neçə gün sonra baş verib.

Emil Hüseynov
 
 

---