Dünyada internet-mağazalara maraq artır

2014-cü ilin birinci rübündə “Amazon” internet riteylerinin mənfəəti 32% artaraq 108 milyon dollar olub.
 
“ICTnews” elektron xəbər xidməti “itar-tass.com” saytına istinadən bildirir ki, hesabat dövründə əməliyyat mənfəəti ötən ilin müvafiq göstəricisi ilə müqayisədə 19% azalaraq 146 milyon təşkil edib. Şirkətin satış həcmi 23% artaraq 19,74 milyard dollara çatıb.
 
“Amazon.com” – internet üzərindən məhsul və xidmətlər satan təşkilatlar arasında dövriyyəsinə  görə dünyanın ən böyük şirkətdir. “Amazon” şirkətinin Braziliya, Kanada, Böyük Britaniya, Almaniya, Yaponiyada filialları var, həmçinin dünyanın 61 ölkəsinə məhsul tədarük edir.
 
Emil Hüseynov

---