Rabitə və İnformasiya Texnologiyaları Nazirliyinin elektron xəbər xidməti

AzTU-da elmi-texniki konfrans işə başlayıb


Mayın 5-də Azərbaycan Texniki Universitetində (AzTU) tələbələrin və gənc tədqiqatçıların ümummilli lider Heydər Əliyevin anadan olmasının 91-ci ildönümünə həsr olunmuş “Gənclər və elmi-texniki tərəqqi” mövzusunda respublika elmi-texniki konfransı öz işinə başlayıb.
 
Universitetdən verilən məlumata görə, konfransda AzTU ilə yanaşı, Azərbaycan Dövlət Neft Akademiyasının, Sumqayıt Dövlət Universitetinin tələbələri, doktorantları, habelə AMEA-nın İnformasiya Texnologiyaları İnstitutunun əməkdaşları iştirak edirlər.
 
Konfransın plenar iclasında “Heydər Əliyev və müasir Azərbaycan mədəniyyəti”, “Yeni icralı külək qurğusu və onun sistemli analizi” və digər mövzularda məruzələr dinlənilib.
 
Konfrans “Avtomatika və kompüter texnikası”, “Radiotexnika və rabitə”, “Elektrotexnika və energetika”, “Metallurgiya”, “Texnoloji maşınlar”, “Nəqliyyat”, “Maşınqayırma”, “Mühəndis biznesi və menecment”, “Təbiət və fundamental elmlər” və digər bölmələr üzrə davam edərək öz işini mayın 7-də yekunlaşdıracaq.
 
CAHANGİR




06/05/14    Çap et