Əməliyyat sistemləri bazarındakı vəziyyət araşdırılıb

“Windows 8” əməliyyat sisteminin irəliləyişi ilə bağlı bütün cəhdlərə baxmayaraq, bu əməliyyat sisteminin populyarlığı heç də ürəkaçan deyil. “Net Applications” analitikləri ƏS-dən istifadə haqda yeni  statistika təqdim ediblər.
 
Qeyd edək ki, “Windows 8” sisteminin bütün sələfləri yayın başlanğıcında artım qeydə alıblar. Dünya üzrə fərdi kompüterlərin 50,55%-də quraşdırılmış “Windows 7” platforması ötən ay bazar payını 0,49% artırıb.
 
“ICTnews" elektron xəbər xidməti “dailycomm.ru” saytına istinadən bildirir ki, “Microsoft”un “Windows XP” platformasının dəstəyini dayandırmasına baxmayaraq, iyunda bu əməliyyat sisteminin payı 0,04% artıb. ƏS-nin payı hazırda 25,31% təşkil edir. “Windows Vista” platformasında bu göstərici 2,95%-ə bərabərdir.
 
1993-1995-ci illərdə buraxılmış “Windows NT” əməliyyat sistemi indiyədək 0,14% fərdi kompüterdə istifadə olunur. “NT Windows 2000” sisteminin payı 0,02% artıb.
 
Əməliyyat sistemləri arasında rəqabətə nəzər salsaq, “Windows” əvvəlki kimi aşkar liderdir. Əməliyyat sistemləri bazarının 91.53%-nə “Microsoft” nəzarət edir.
 
Emil Hüseynov

---