“Microsoft”un telefonlarına “Opera” brauzeri quraşdırılacaq

“Opera” şirkəti ilə “Microsoft” arasında imzalanmış razılaşmaya əsasən, proqram nəhənginin telefonlarına əvvəlcədən “Opera Mini” brauzerləri quraşdırılacaq.
 
“ICTnews" elektron xəbər xidməti “lenta.ru” saytına istinadən bildirir ki, razılaşma “Series 30+”, “Series 40”, həm də “Asha” platformaları ilə işləyən cari telefonlara aiddir. İstifadəçilər üçün bu telefonlar “Nokia” brendi kimi məlumdur, amma Finlandiya şirkətinin mobil bölməsi “Microsoft” tərəfindən satın alınıb.
 
“Opera Mini” brauzeri mobil qurğular üçün yaradılıb, onda məlumatların sıxılması üçün daxili texnologiya quraşdırılıb ki, bu da  trafikə qənaətə imkan verir.
 
Emil Hüseynov

---