“Facebook”un bazar kapitallaşdırması ilk dəfə 200 milyard dolları ötüb

“Facebook”un bazar kapitallaşdırması ilk dəfə 200 milyard dolları ötüb.
 
“ICTnews" elektron xəbər xidməti “itar-tass.com” saytına istinadən bildirir ki, “Facebook” dünyanın ən böyük sosial şəbəkəsidir. Aylıq auditoriyası 1,32 milyard istifadəçi təşkil edir. Şirkət 2004-cü ildə Mark Zukerberq tərəfindən təsis edilib.
 
2014-cü ilin ikinci rübündə sosial şəbəkənin xalis mənfəəti ötən illə müqayisədə iki dəfə (138%) artaraq 791 milyon dollar olub.
 
Hesabat dövründə gəlirin həcmi 61% artaraq 2,91 milyard dollar təşkil edib. Rüblük gəlirin çox hissəsi (92%) reklamdan əldə olunan gəlirin payına düşür.
 
Emil Hüseynov

---