Rabitə və İnformasiya Texnologiyaları Nazirliyinin elektron xəbər xidməti

“Startup”-ın Silikon Vadisinə gedən yolu” adlı seminar təşkil olunacaq


11-12 oktyabr tarixlərində “Startup”-ın Silikon Vadisinə gedən yolu” adlı seminar təşkil olunacaq. Qafqaz Universitetində keçiriləcək seminar “BethClip” layihəsinin rəhbəri Rəşid Əliyevin təqdimatında reallaşacaq.
 
Belə ki, 15-30 sentyabr tarixlərində “Silikon Vadisi”ndə səfərdə olan R.Əliyev öz təcrübəsini startapçı və startaplarla maraqlanan gənclərlə bölüşəcək. Seminarın mövzularına “Silikon Vadisində “Startup”-lar”, “Startup”-lar Vadidəki investorların gözü ilə”, “Haradan gəlib, hara gedirsən?”, “İstifadəçilər (traction)”, “Vadidə və digər yerlərdə böyümə”, “Vadi investorlarına nə zaman və necə müraciət etməli?”, “İnkubator və Akseleratorlar - bizdə və Vadidə” daxildir.
 
“Startup İstanbul” – “BethClip”in təcrübəsində” mövzusunu isə Nigar Mövsümlü təqdim edəcək.
 
 
Qeyd edək ki, “BethClip” layihəsi “QUTechnopark”ın təşkil etdiyi “Yeni Fikir 2014” Müsabiqəsinin qalibidir.
 
 
Həqiqət İSABALAYEVA




02/10/14    Çap et