“Microsoft” yeni brauzerini nümayiş etdirib

“Microsoft” korporasiyası “Windows 10” platforması üçün yeni “Microsoft Edge” brauzerini nümayiş etdirib. Bu haqda “Build 2015” konfransında “Microsoft”un vitse-prezidenti Co Belfiore məlumat verib.
 
"ICTnews" elektron xəbər xidməti “lenta.ru” saytına istinadən bildirir ki, şirkət ilk dəfə cari ilin yanvarında yeni brauzerini təqdim edib. O zaman yeni həllin kod adı “Project Spartan” olub. Brauzer yeni “Windows 10” əməliyyat sisteminin bir hissəsi olacaq.
 
Yeni brauzerin interfeysi “Chrome” və “Firefox” brauzerlərinə qismən oxşayır.
 
“Statcounter” analitik şirkətinin 2015-ci ilin martına olan məlumatına əsasən, kompüter, planşet və mobil telefon istifadəçilərinin təxminən 20 faizi “Internet Explorer”, 47 faizi isə “Chrome” brauzeri vasitəsilə internetə daxil olub.
 
Emil Hüseynov

---