Azərbaycan startapçıları smartfonlar üçün yeni proqram yaradıblar
Bakıda fəaliyyət göstərən bir qrup proqram tərtibatçısı smartfonlar üçün "
Flapus" adlanan planlaşdırma proqramı yaradıblar.
"ICTnews" xəbər xidmətinin məlumatına əsasən, layihənin rəsmi səhifəsində bildirilir ki, yeni proqramı digərlərindən fərqləndirən cəhət anında tapşırıqları kontaktlara paylamasıdır. "Flapus"da akkauntun qeydiyyatı birbaşa mobil telefon nömrəsi ilə bağlı olduğuna görə bu mümkün olur.
"Flapus" tapşırıqları kateqoriyalar üzrə qruplaşdırmağa və səsli xatırlatmanı işə salmağa imkan verir. Bu gün artıq proqramın "Android" üzərində işləyən smartfonlar üçün beta-versiyası istifadəyə verilib və test rejimində proqramdan istifadə etmək üçün
bu istinaddan istifadə etmək olar. Yaxın zamanda tərtibatçılar proqramın "iOS" versiyasını da hazırlamağa söz veriblər.
Aynur Vəliyeva