Süni intellekt film üçün ssenari yazıb

Rejissor Oskar Şarp qeyri-adi qısametrajlı film çəkib. “Quartz” nəşri yazır ki, film üçün ssenari ən güclü kompüterdə işləyən neyroşəbəkə tərəfindən yazılıb.

“ICTnews” Elektron Xəbər Xidməti “mail.ru” saytına istinadən yazır ki, “Nvidia Tesla K80” hesablama prosessorunda işləyən süni intellekt bütün ssenarini (personajların obrazlarını, dialoqları, hərəkətləri və hətta film üçün musiqi müşayiətini) tamamilə özü hazırlayıb.

Filmin süjetinə əsasən, gələcəkdə dünyada işsizlik hökm sürür və insanlar sağ qalmaq üçün öz qanını satmaq məcburiyyətindədir.

Emil Hüseynov

---