“Twitter” mikrobloqlar xidməti MMS də qəbul edəcək

“Twitter” mikrobloqlar xidmətinə telefondakı şəkli MMS mesaj vasitəsilə nəşr etmək imkanı əlavə edilib. Bu barədə xidmətin rəsmi bloqunda bildirilib.

İstifadəçi MMS-də 120 simvoldan artıq mətn daxil edə bilməz, yeni funksiya ilə bağlı dərslikdə qeyd olunub. Video və audionun nəşri hələ dəstəklənmir, hər mesaja yalnız bir şəkil əlavə etmək olar.

ABŞ, Kanada, Böyük Britaniya, İtaliya, Braziliya və Bəhreynin bəzi mobil rabitə operatorlarının şəbəkələrində funksiyadan istifadə etmək mümkündür.

Tərtibatçıların bloqunda operatorların sayını artırmaq niyyəti qeyd olunub, belə ki onların abunəçiləri şəkilləri MMS vasitəsilə nəşr edə bilərlər.

---