“Firefox” səyyahının yeni versiyası 30 həftədən bir çıxacaq

“Mozilla” şirkəti yeni siyasəti – “Firefox” səyyahının yeni versiyalarını tez-tez çıxarmasına görə biznes-istifadəçilərin narazılığı ilə qarşılaşıb.

“Mozilla” şirkətinin yeni təklifinə əsasən, gələcəkdə “Firefox” səyyahının yeni versiyaları 30 həftədən bir çıxacaq. Bu müddət indiki sürətli dövrdən 5 dəfə daha yavaşdır.

Belə ki tərtibatçılar səyyahın yeni versiyalarını 6 həftədən bir çıxarırdılar. “Mozilla”, həmçinin hər versiyanı 42 həftə ərzində dəstəkləmək niyyətindədir.

---