Rabitə və İnformasiya Texnologiyaları Nazirliyinin elektron xəbər xidməti

Güclü “HTC Sensation XL” smartfonu təqdim edilib


“HTC” şirkəti cari rübdə “Sense 3.5 Uİ” firma istifadəçi interfeysində “Android 2.3.5” (Gingerbread) əməliyyat sistemi ilə işləyən “Sensation XL” smartfonunun satışlarına başlayacaq.

Yeniliyin “ürəy”i 1.5 QHz takt tezlikli birnüvəli “Qualcomm Snapdragon MSM 8255” prosessorudur. Əməli yaddaş tutumu 768 MB; inteqrasiya edilmiş fləş daşıyıcının tutumu 16 QB təşkil edir. 4.7 düym diaqonallı sensor ekran “Gorilla Glass” şüşəsi ilə qorunub; ekranın kəskinliyi 480×800 nöqtədir.

8 meqapiksel matrislə olan əsas kamera 720p formatında videoyazma imkanını dəstəkləyir; videotelefoniya üçün ön hissədə 1,3 meqapiksel kamera var.

Aparatın digər xüsusiyyətləri aşağıdakılardır: “Wi-Fi” (802.11b/g/n) və “Bluetooth 3.0” adapterləri, “GPS” qəbuledicisi, “FM” tüner, akselerometr, “MicroUSB” portu, “MicroSD” slotu və 1600 мА∙h tutumlu akkumulyator batareyası.

Smartfon yüksək keyfiyyətli “Beats Audio” audiosistemi ilə təchiz edilib; tədarük dəstinə qulaqlıqlar daxildir. Korpusun qalınlığı 9,9 millimetrdir; “HSDPA” mobil şəbəkəsində işləyə bilir. Hələ ki, smartfonun qiyməti haqqında məlumat yoxdur.




07/10/11    Çap et