Rabitə və İnformasiya Texnologiyaları Nazirliyinin elektron xəbər xidməti

Bu şirkətin smartfonları daha sabit işləyirlər


“Android” qurğularında imtina tezliyi “Apple” smartfonları ilə müqayisədə təxminən iki dəfə yüksəkdir. Amma “iOS” üçün mobil proqramlar “Andriod” proqramlarla müqayisədə 7 dəfə daha çox donur.
 
“ICTnews” Elektron Xəbər Xidməti “macdigger.ru” resursuna istinadən yazır ki, “Blancco Technology Group” adlı mobil diaqnostika ekspertləri bu məlumatları dərc ediblər. Sınaqlar zamanı müəyyənləşdirilib ki, “iOS” sistemi ilə işləyən qurğularda imtina tezliyi 16% təşkil edir, halbuki “Android” smartfonlarında bu göstərici 30%-ə bərabərdir.
 
Hesabata görə, “iPhone 6”, “iPhone 6S” və “iPhone 7” modellərində tez-tez səhvlər qeydə alınır. 26% nasazlıq göstəricisinə malik “iPhone 6” smartfonu birinci yerdə qərarlaşıb. “Android” smartfonları arasında ən çox “Samsung”un smartfonlarından imtina halları (53%) baş verib.
 
Emil Hüseynov





02/12/17    Çap et