Rabitə və İnformasiya Texnologiyaları Nazirliyinin elektron xəbər xidməti

Bu korporasiya 2018-ci ilin ən innovativ şirkəti adına layiq görülüb


“Fast Company” firması “Apple” korporasiyasını 2018-ci ilin ən innovativ şirkəti adlandırıb.

“Apple” şirkətinin ən yaxşı məhsullarının siyahısına “AirPods”, üçüncü nəsil “Apple Watch”, “ARKit” və “iPhone X” texnologiyası daxil edilib.

“ICTnews” Elektron Xəbər Xidməti “macdigger.ru” saytına istinadən yazır ki, 2017-ci ilədək bir çoxlarının “iPhone” smartfonuna marağı azalmışdı. “Mac” kompüterlərinin yenilənməsi məyusedici idi, “iPad” planşetlərinin satış həcmi artmırdı. Amma 2017-ci il fərqli oldu.

“AirPods” qısa müddətdə hitə çevrildi. “LTE” dəstəkli “Apple Watch” smart saatları satış həcminə görə İsveçrə şirkətini geridə qoymağa nail oldu. “ARKit” məhsulu artırılmış reallıq erasında yeni bir səhifə açdı. Həmçinin “Apple” planetdə ən bahalı korporasiya adına layiq görüldü.

“Fast Company” şirkətinin fikrincə, “Apple” məhz bu nailiyyətlər nəticəsində dünyada ən innovativ şirkət elan edilib. Korporasiya “Netflix”, “Square”, “Tencent” və “Amazon”u geridə qoymağa müvəffəq olub. “Google”, “Microsoft” və “Samsung” şirkətləri isə ümumiyyətlə siyahıda yer almayıb.

Emil Hüseynov






24/02/18    Çap et