Rabitə və İnformasiya Texnologiyaları Nazirliyinin elektron xəbər xidməti

Yeni çip insan qanının vəziyyətini izləyəcək


San-Dieqo Kaliforniya Universitetinin alimləri insan qanının vəziyyətini izləyəcək çip yaradıblar. İxtira alkoqoldan asılı insanlara nəzarət üçün istifadə oluna bilər. Bu barədə universitetin apardığı tədqiqatda deyilir.
 
“ICTnews” Elektron Xəbər Xidməti “Life” resursuna istinadən yazır ki, 0,85 х 1,5 mm qabaritli çipi adi şpris vasitəsilə dəri altına yerləşdirmək mümkün olacaq. Çipin daxilində kimyəvi reaksiyanın reaksiyasına görə qanda alkoqolun mövcudluğunu müəyyənləşdirməyə imkan verən alkoqoloksidaz fermenti var. Reaksiya qeydə alınan zaman çip xəstənin spirtli içki qəbul etməsini bildirən informasiyanı kompüterə göndərəcək.
 
Akkumulyatorun quraşdırılmadığı miniatür qurğu 970 nanovatt enerji sərf edir və daşınan qurğudan (məsələn, “ağıllı” saat) enerji toplayır.
 
Nizam Nuriyev






12/04/18    Çap et