“Apple” şirkəti akkumulyatorları dəyişdirməkdən yayınır

"Apple" şirkəti məhsuldarlığı qəsdən azaldılmış “iPhone” smartfonunda akkumulyatorun zəmanətli dəyişdirilməsindən yayınır.
 
“ICTnews” Elektron Xəbər Xidməti “life.ru” saytına istinadən yazır ki, ABŞ şirkəti batareyanın dəyişdirilməsinə mane olan nöqsanların aradan qaldırılması üçün tam ödəniş tələb edir. Bu isə prosedurun qiymətini xeyli yüksəldir.
 
“Apple” şirkəti bir müddət əvvəl öz smartfonlarında prosessorun sürətini azaltdığını etiraf etmişdi. Bundan sonra məlum olmuşdu ki, akkumulyatorun dəyişdirilməsi qurğunun sürətinin azaldılmasının qarşısını alır.
 
Həmçinin prosessorun sürətini azaltmağı deaktiv etməyə imkan verən funksiya “iOS 11.3” versiyasında əlçatandır.
 
Emil Hüseynov

---