Rabitə və İnformasiya Texnologiyaları Nazirliyinin elektron xəbər xidməti

Avropa Birliyi kibertəhdidlərə qarşı çevik reaksiya qüvvələri yaratmağı planlaşdırır


Litvanın müdafiə naziri Raymundas Karoblis deyib ki, Litva tərəfi daimi strukturlaşmış əməkdaşlıq çərçivəsində kibertəhdidlərə qarşı çevik reaksiya qüvvələri yaratmağı təklif edib.

“ICTnews” Elektron Xəbər Xidməti “gazeta.ru” saytına istinadən yazır ki, onun sözlərinə görə, Avropa Birliyinin bir sıra üzv ölkələri tərəfindən imzalanacaq bəyannamədə Avropada kibertəhdidlərə qarşı çevik reaksiya qüvvələrinin, həmçinin birgə dəstək mexanizminin yaradılması haqda deyilir.

"Sözügedən bəyannaməni Estoniya, Xorvatiya, Rumıniya, Litva, İspaniya və Niderland dövlətləri imzalayacaq" – Karoblis deyib.

O, həmçinin bildirib ki, Avropa Birliyinin bəzi başqa ölkələri, həmçinin bəyannaməni imzalamadan layihədə iştirak edəcəklər.

Emil Hüseynov






25/06/18    Çap et