“YouTube” orijinal məzmunla olan kanallar təqdim edəcək

“The Wall Street Journal” daxil olmaqla bəzi mənbələr bildirib ki, “YouTube” tezliklə bəzi media-şirkətlər tərəfindən təqdim edilmiş orijinal məzmundan ibarət təxminən 100 yeni kanal istifadəyə verəcək.

Videoçarxları təqdim edəcək şirkətlər arasında bir neçə hollivud təşkilatları, həmçinin digər video təchizatçılarının olacağı bildirilib.

Qeyd edək ki, kanallara yüklənən məzmun bu halda xüsusi olmalı və yalnız “YouTube” videohostinqində ən azı 18 ay ərzində nümayiş etdirilməli olacaq. Yeni kanalların əksəriyyəti növbəti il istifadəyə veriləcək.

---