“WhatsApp” messenceri cari ilin yanvarından bəzi smartfonlarda işləməyəcək
2019-cu ildə “WhatsApp” messenceri bəzi populyar əməliyyat sistemlərinin idarəetməsi altında işləyən smartfonları dəstəkləməyəcək. Bu haqda messencerin komandası məlumat verib.
“ICTnews” Elektron Xəbər Xidməti “
iz.ru” saytına istinadən yazır ki, sözügedən dəyişikliklər “Nokia Series 40” əməliyyat sisteminin idarəetməsi altında işləyən telefonlara şamil olunur. 2012-ci ildə “Nokia S40” proqram platformasının müxtəlif redaksiyalarının idarəetməsi altında işləyən qurğuların sayı 1,5 milyarddan çox olub.
Bundan başqa 1 fevral 2020-ci il tarixindən etibarən “Android” sisteminin “2.3.7” və daha köhnə versiyaları, həmçinin “iOS 7” və daha köhnə versiyaların idarəetməsi altında işləyən smartfonlarda “WhatsApp” messencerinin dəstəyi dayandırılacaq.
Məlumat üçün bildirək ki, 1 yanvar 2018-ci il tarixindən “WhatsApp” messenceri “Windows 8.0”, həmçinin “BlackBerry OS” və ya “BlackBerry 10” sistemlərinin idarəetməsi altında işləyən smartfonlarda dəstəklənmir.
Emil Hüseynov