“Skype” istifadəçiləri problemlərlə üzləşiblər
Bir sıra ölkələrdə “Skype” messencerinin fəaliyyətində nasazlıqlar yaranıb. Bu barədə populyar internet saytlarının işini izləyən “Downdetector” resursunun məlumatında deyilir.
“ICTnews” Elektron Xəbər Xidməti “
Belta” resursuna istinadən yazır ki, portalın məlumatına görə, “Skype”ın işində problemlər ABŞ vaxtı ilə saat 20:30-dan (Bakı vaxtı ilə saat 03:30) müşahidə edilməyə başlayıb. İstifadəçilər servisə qoşulmaq, mətnli bildirişlərin ünvanına çatdırılması imkanının olmamasından şikayət edirlər. Bundan başqa, səsli bildirişlərin göndərilməsində də problemlər qeydə alınıb.
Daha ciddi nasazlıqlar Yaponiya, Böyük Britaniya və ABŞ-da müşahidə olunub, eyni zamanda digər ölkələrdə də servisin fəaliyyətində problemlər yaranıb.
Nizam Nuriyev