“Oracle” şirkəti əmək məcəlləsini pozub

Təşkilatlar üçün proqram təminatının ən iri tərtibatçılarından biri və server avadanlığının iri təchizatçısı Amerikanın “Oracle” korporasiyası ona qarşı hələ 2003-cü ildə verilmiş məhkəmə iddiasının nizama salınması üçün 35 milyon dollar ödəyəcək.

Həmin iddiada 1725 “Oracle” əməkdaşı işə götürəni onları normadan əlavə işləməyə məcbur etməkdə və nahar fasiləsi vaxtını azaltmaqda ittiham ediblər. 1725 insan kompensasiya alacaq. “Oracle” korporasiyası hər hansı şərh verməkdən imtina edib.