Rabitə və İnformasiya Texnologiyaları Nazirliyinin elektron xəbər xidməti

Planşet bazarında 14%-lik artım qeydə alınıb


2019-cu ilin birinci rübündə qlobal planşet kompüterləri bazarının həcmi 2018-ci ilin müvafiq dövrü ilə müqayisədə 13.8% yüksələrək 37,15 milyon təşkil edib. “Digitimes Research” analitiklərinin məlumatına görə, ötən ilin son 3 ayı ilə müqayisədə qurğuların tədarük həcmi mövsümi amillə əlaqədar 12.9% azalıb.

 

“ICTnews” Elektron Xəbər Xidməti “dailycomm.ru” saytına istinadən yazır ki, onların proqnozuna görə, 2019-cu ilin ikinci rübündə planşet bazarında rüblük hesablama üzrə 8,9%-lik azalma qeydə alınacaq. Aprel-iyun ayları ənənəvi olaraq zəif tələbat dövrüdür.

 

“Apple” planşet bazarında liderliyini qoruyub saxlayıb. “Samsung” şirkətini qabaqlamış “Huawei” şirkəti ikinci yerdə qərarlaşıb. “Microsoft” korporasiyası beşinci olub.

 

Emil Hüseynov






07/05/19    Çap et