Rabitə və İnformasiya Texnologiyaları Nazirliyinin elektron xəbər xidməti

“Oracle” şirkətinin baş direktoru vəfat edib


ABŞ-ın "Oracle" şirkətinin baş direktoru Mark Herd oktyabrın 18-də dünyasını dəyişib. Bu barədə "The Wall Street Journal" nəşri şirkətə istinadən məlumat verib.

 

"ICTnews" Elektron Xəbər Xidməti "TASS" resursuna istinadən yazır ki, məlumata görə, 62 yaşlı baş direktor sentyabrda sağlamlıq vəziyyəti ilə əlaqədar öz hesabına məzuniyyətə çıxıb.

 

1977-ci ildə Larri Ellison tərəfindən təsis edilən "Oracle Corporation" şirkəti təşkilatlar üçün proqram təminatı istehsalçısı və server avadanlığı tədarükçüsüdür. 2014-cü ilin payızında şirkətin Direktorlar Şurası Sara Kats və Mark Herdi baş direktor seçib. S.Kats istehsal, maliyyə və hüquq bölmələrinə görə məsuliyyət daşıyır. M.Herd isə satış, servis və biznes bölmələrinin idarəetməsini həyata keçirib.

 

Nizam Nuriyev






21/10/19    Çap et